नक्कली भारतीय नोट सहित दुइ पक्राउ

सुवास कंडेल / सामुदायिक रेडियो बागलुङ एफएम
जिल्ला प्रहरी कार्यालय बागलुङले नक्कली भारतीय नोट सहित दुइ जनालाई आज साँझ पक्राउ गरेको छ । बानपा १ रामरेखाबाट प्रहरीले तीन लाख २५ हजार नक्कली भारतीय नोट सहित पसा्रको छप्कैया ३ का ३७ बर्षिय हिरालाल कर्ण र भारतको रक्सौलका ४० बर्षिय जगत गुप्तालाइ पक्राउ गरेको हो ।
नियमित चेकजाँच गर्नेक्रममा प्रहरीले बा ३८ प ८५५३ नम्बरको मोटरसाइकलमा सवार गुप्ताको साथबाट दुइलाख ३२ हजार ५ सय र कर्णको साथबाट ९२ हजार ५ सय रुपैयाँ बरामद गरिएको प्रहरी निरिक्षक कृष्णप्रसाद अर्यालले बताए ।
बरामद नोट भारतीय ५ सय र एकहजारका भएको पाइएको छ । पक्राउ अभियुक्त र रकम बारे छानविन भइरहेको जिल्ला प्रहरी कार्यालय बागलुङले जनाएको छ ।